Viksit Bharat Sankalp Yatra has Organised at Karbook Bashi Chandra School Ground

Yeastarday at Bashi Chandra Para English School, Viksit Bharat Sankalp Yatra has organized By Karbook sub division. The Government of India, with participation of States and Union Territories, is actively engaged in the mission of saturation through its flagship schemes for providing basic amenities like sanitation facilities, essential financial services, access to LPG connections, housing for the poor, food security, proper nutrition, reliable healthcare, clean drinking water, quality education etc. and making required services accessible to all targeted and eligible beneficiaries. Another step in this direction would be to ensure awareness of benefits and various facilities available to citizens so as to facilitate the last mile delivery.

With this aim, a nationwide campaign to raise awareness through outreach activities to achieve saturation of schemes named "Viksit Bharat Sankalp Yatra", is being planned. This will require concerted efforts across the board as well as active Jan Bhagidari to ensure that the last mile and the most vulnerable are reached effectively. Mr Dharjaray Tripura said this Viksit Bharat Sankalp Yatra is to Reaching the unreached - reach out to the vulnerable who are eligible under various schemes but have not availed benefit so far. Dissemination of information and generating awareness about schemes. Learning from the citizens - Interaction with beneficiaries of government schemes through personal stories / experience sharing. Enrolment of potential beneficiaries through details ascertained during the Yatra. Said Mr Tripura

Buddha mwtai ni mangthong Ailmara

Buddha mwtai noh poito khainai mog dopha rokni bwkhaktwi world peace stup ni chukmung thamchichiba foot wgnai.

Karbuk hangkhor by gwdaljak  shila block ni ailmara adc village oh world peace stup ni samung chengwirwjak kha 

tini karbuk hangkhor ni DCM tei shila chori block ni additional BDO ah amchaini lukurok by thangwi nangkukmani kokchap panda khailaikha.

Tei Tripura hasteni mantri Dr.manik sahani thani amchaini lukurok chubachu mannanw hnwi kha khailaijak.

By Riya Debbarma

TIPRAJWK BWRUI NO SAK TANGMA KOKNO RWGUI BOLAIKHA AGARTALA HOTAL SONAR TORI O

Agartala ni police Headquarter ganao tongnai Sonartori Hotelo kainwi bodol ni bisingo choprolaimani nukjakha, tei a choproplaimung aswk kotor wngkha Hotel ni kwbangma manwi khunwi suduno swbai sukrub pairwlaikha tei khoroksa bwrwini sakaobo samung sitra tangjakha, 

Hotel Sunar tori o Baar khulokmani jorani simino kwbangma bisi romwino omo hai hamya patimung wngwi phai tongo phiya haphang ni naimwthangrog siui nugui tongwibo jai khaiya.

Hasteo kwtal haphang phaima yagulono Baar khulokna permission rwjakha Hotel Sonar Tori o, phiya hotel naikolphang rok ni bwkhaktwi jai jai kheno Baar chalogwi manlaiya, salbrum no sikla - sikli mang kuplung haikheno hasteni tongdal no sudu dera rwi khibikha.

Koktisal ni horo Baar bisingono khoroksa borokni hamjakma bwrwi ni sago yak nangmano kitingwino bulai toklai ni patimung, patimungo Battala tei West Thanani kwbangma Police bodol nawi habwilaikha, patimung no twi Sonar tori Hotel ni Manager soi kok phirokmung rwna soiya tamni hinba bini chubachu baino wngmani  omohai patimungrog.

Tabuk Sinai nuknai wansuk kwrwngrog khe naio omohai hamya samung tangkakma thairok no mwthagwi rwnani no wngthun.

Teibo kwbang musok bwsa achai rwnani

Thanai 2020-21 bisi ni rangbai Pradhan Montri Gudhan Prakash project ni samung 97% success nukjakha

Thanai bisio no a scheme ni samung Chenjakmani tei aboni naharmung wngkha, musuk( cow) no kubun raida twi khe sak kuplung khaiwi Dudh ( milk) kwbang manthokrwnani.

Teibo kwbang musok bwsa achai rwnani tei musok chwla achai rwnanokhe komi rwi tubunani bagwi design swnamjakha.

Phainai bisirogono chwng dudh kwbang swnama bisingtwi sak sak bachai malai manai.

Thinangobo hasteo dud pai phal bangma logi logi kubun hasterogobo dudh ni baniya khai mananw.

Cha salo Abhoi nagaro malmata hamkrai bedek ni Coldstorage tei Batenary medicine store no phiyokgwi rwkha Montri Bhagwan Das, manjakha Pochim Jela ni President Antara Deb Sorkar no khobwi tei kwbangma nograirogrog chati phwnangwi pandano chengwi rwjakha.

Kwtal cold store phiyokgwi paima ulo hasteni montri Bhgawan Das kokthumnairok bai malai kok sakha Barot ha kotoro " Pradhan montri gudhan " mungwi a project no songchakha hasteni montri okra Biplab kumar Deb a project haste gwnangwino pirjakha aboni bagwino tabuk a project ni samung bangrwrwk wng tongo. Bo teibo sakha Pochim jela o cold store Kendra khulokjakha abobaino kwbangma sakhamya malmata bo tonoi manai tei kwbangma malmata hamkrai bedekni biti braibo kwbangma thaiono sogwi rwjaknai haikheno kwbangma hukbar khainai tei je borok musok rinai rog borokni belai kaham wngnai hinwi sakha. Cha salo Aboinagar ni malamata bedekni Coldstorage Medicine Store no gurioi berai naikha Montri Bagwan Das.

Jayanta

Surendra Reang kami thang naikha building construction ni samong Mj Suchitra Debbarma

Kraksalo Dhalai Hangkorni Mohon Kumar Jaganathpur BCL o Surendra Reang Para Ambassa RD Block ni kwtal Building ni samung no naina thangkha, Ambassa ponchayet somiti chairman Sucitra Debbarma logi o tongo hoda hamkraini samung tangnai borom gwnang Amit Reang, Kunal Debbarma, Kishan Debbbarma tei kubunrogbo.

Edited By Jayanta

Alongo thwikha khoroksa Jamal Husain mwngui khoroksa borok

Haino hai Hasteni sunamura thanani Alongo thwiokha bisi thamchiba umorni Jamal Husain mungwi khoroksa borok.

Bini nok Sunamura Thanani Boler depa amchaio. Thanai hor n dam sa katwisa o Sunamura thanani police 2016 bisini patimung N.D.P.S no phwnangwi bono romwi tubumani sunamura thanao, romna phru bini nukhung ni borokrogno chopropkha police naimwrhangrok hinwi kok silsamung romjaknai ni nukhungni borokrok ni.

Phiya police ni phaisingtwi koktwma manmani khe Jamal Husain no thanao romwi tubuma yagulo belai bohok sajakmani haini bagwi melagarh ni sak ham nogo phungui teisa thanao tubujakha.

Phungo Jamal Husain ni nukhungni borokrog bo bai malaina naimani nukhung ni borokrogno malaina rwliya  Sunamura thanani police. Yangle phungono Jamal Husain ni langma chomani koktwma manmani. Phungo haino hai Hospitalo twlangjakmani sak nainairog Jamal husaino langma chokha hinwi saklai rwkha, phiya swngmung tabuk tangwi bahaikhe  boni langma chona nangkha, betlai bu tok khaima bagwino boni langma cho o hinwi nukhung tei amchaini borokrogni koksilsa mung. 

A thwimungno twi amchaio kok erlaijak tabuk. Nukhungni borokni Jamal husain ni soi buj man na naisinglaijak.

Edited by Jayanta 

Class 8 Pori tongnai kotok dwkhui rui thui na nangkha

Rwng nok ni Girls Hostel ni tukuma nogo kotok soroi thwio kha khorosa rwng rem char swrwngwi tongnai swrwngnaijwk Emon Debbarma, Patimung Teliyamura thanao khobjaknai Korkori amachaini Assam Rifle Camp ganani Bloom Advantage High Schoolo

Patimung no twi saimankha Kwrak salo rwng nogo Offlineo English amjokmung wngtongmani,

haikeno amjokmung hallo phrwngnai tei phrwngnaijwk haphaima logi logi no mokolo kwlaikha amjokmung wng tongjora o nokol khaiwi swimani swrwngnaijwk Eman Debbarma , ulo phwrwngnairog nugui bono exam hall ni kari rohorjakha, yagulo a swrwngnai jwk khao dukhu habwi hostel ni Bath roomo kotok soroi sak sak no langma nakha.  Ulo rwngnokni phwrwngnai rog nugui koktwma rohorkha Teliyamura thanani police no. Police  Mang kwthwino kariui post moderm ni bagwi hospital rohorwi rwkha.

Edited By Jayanta

Agulini Khrisnanagar o tongnai Laxmi Bai Smriti Brwirok tongthai

Hoda hamkrai tei hoda rwng bedek bai naikoljak Agulini Khrisnanagar o tongnai Laxmi Bai Smriti Brwirok tongthaio kwdwkma sal romwi kwbangma jwngjal manjakgwi tongmani tongthaini Brwirog, 

Swrang salo kokthumnairokbai malwi bwrwi tongthai nok ni joto jwngjal no twi sai khwna rwkha.

Borok sakha kwbangma jorani simi belai k twini jwngjal kwlaijak tei current ( chwng pherqng) bo  kwrwi hamya wngma ulo swnamwi rwjakliya tabuk sak jora. Twi tank kotor kaisa tobgmabo belai hamya sitra wngjak.

A tongkhor gana kaisa bukcha thai tongo a bukcha thaibo bolong kutuk khajak tabuk, jesa jora phano bolongni chibuk tongthaio habwi mano koksilsamung Brwirokni.

Aswk jwngjalrogno samung charwna bagwi waire wai haphang bedek ni thani saui koimung bwlai rwibo mungsa samungbo chayakho.

 Haini bagwi kokthumnai rogno ringwi kha dumung phunukna nangkha tini, daktino borokni jwngjalno samung charwna wngthung haphang tang bedek.

Edited By Jayanta

Tripura no Bangalstan swnam na bagui se wanshok khana India Tripuri no sokomorui

Borok kotor ni kokbo kotor kotor tai borok chikon ni kokbo chikon chikon, Bharat Haa kotor bai Tripura Hapang ni wngui 

Maharani Kanchan Probha Devi bai Vallabhai Patel 9 September 1949 o tamoni bagui eba tamono tui Marger Agreement khailai kha o kokno tini sana nai maniya, tamoni bagui hinkhe aha kokno sana thang khe aboni kok bwkhurui kwbangma tongo. Borok chikon ba kok bo chikon chikon sa wano, Tripura haste ni khoroksa chikonsa tripuri wngui hayoung ni borokno kok kisa sana bagui tini ma phai mani se, abo wng kha abohai. Bharat Haa kotor bai Tripura Marger Agreement wngya kho swkang tripura haa ni tiprasa rok kebo bai walai suklai kwrui tongthok chathok tongbaiya chabaiya khe tong mani Phiya Bharat Haa kotor bai Marger Agreement je phuru wngo aphuru ni smine khe twlok twlok tong kesep wngui phai sakha Tripura haste ni Tripuri rok, aha kokno sana thang khe tabok 2021 ni jora o kwbangma lokorok northeast ni borok rokno chinese hinui hinmani haise aha jora o bo. tripura kaisa Bharat haa kotor ni chikonsa haa tamo wngna tong hinui tongma bagui se tini tripura haste ni tripuri rok belai jungal kwlai thango. Bangaladishi illegal immigrants rok ni bagui, tabok nwng tripura haste ni tripuri rokno norok bahai khe tong Tripura o hinui swngkhe joto ni khokgo aha kokno khwna wano Bharat Haa kotor o British rok bai bharat ni lokorok mochom jagui thwngjak ma hai khe tabok chwng bo mochom thwngjak tongo hinui sabai wano.

Tripuri

Sana thangkhe bharat haa kotor ni loko rok kwbangma no oh kok sai manya na. Tripuri rokni motay khe Bharat Haa Engress rokni yakni Bharat Freedom manmani phiya Tripura Haa khe Bharat Haa kotor bai mochom satokjakmani kok hai se kwlai o. Bharat haa kotor freedom

British

manmani lucky draw hai se,  o kok bo soino Mahatma Gandhi, Subhas Chandra Bose, Bhagat Singh hai Heros bo tongo Bharat Haa kotor freedom manmani phiya jotoni kok kotor kuk hinkhe 2^nd world war 1 september 1939 ni smine chengui 2 september 1945

jora Hitler bebak thai o lam kasomani bagui England bai Bharat Haa kotor 90% hai connention chogui thangmani bagui paithakgo Engress rok Bharat yakarui mathango. o kokno kwbangkuk lokorok sai manya. Ahaiya hinkhe tai 100 ne swlai phano kwbang Engress rok Bharat tong kha mwng na bisi 2021 ni jora tabok bo, 2^nd world war wngya hinkhe. Tripura bo Bharat haa kotor bai Marger Agreement wngmani yagolo kwbangma Heros achaikha thwikha tamoni bagui? Aro no kok swrai swrai Tripura ni Tripuri rokno Bharat haa kotor ni lokorok chini Bharat ni bwsa Tripuri rok no hinui wanshok nahoma kwrui wng mani kok kwlaina. Bharat se freedom hinkhe ba Tripura ni Tripuri  rokbo Freedom go no tongna nang bile? Tamoni bagui Tripura haa ni Tripuri rok freedom ni bagui fight khaina nang sak baithang ni haa o tong tuitui? Borok Army, ATTF, NLFT hinui Subhas Chandra Bose,

Borok army/attf/nlft

Bhagat Singh ni lama himna nangkha ba? Sardar Vallabhai Patel, Jawaharlal Nehru tai Mahatma Gandhi hai khwlai tamoni bagui Tripuri rok NRC, Tipraland, Greater Tipraland, hinui bharat haa kotor no sanna nang khaba? Tripuri rok freedom o tongo hinkhe? Kok khe abo se bharat haa kotor Tripura haste ni Tripuri rokno komor langsi thung abo se naikhana tai Tripura state no khe Bangaladishi illegal immigrants rokni

illegal Bangladeshi immigration

bagui se Bangalstan swnam na bagui se wanshok khana hinui Tripura ni Tripuri rok waisa waiso ma wanshok go. Phiya Bharat haa ama salsa ya salsa Tripura Haani Tripuri rokni kokno khwna wano hinui ashok smine se wanshok lai khorang sok sokya chiriklai ma tong laija o Tripura hani Tripuri rok Tabok social media ni jora wngui se chwng ashok phano lama mano chini kok hayoung ni lokorokno sanani agartala to delhi chini lama chalma bo road 2424kms Fligth Bai bo 1500kms Bangaladishi illegal immigrants rokni bagui Tripura go Tripuri rok machaya se bangkuk go bahai khe se delhi thangui chirik tongman sinai khairokgui Tripura ni tripuri rokno waisa bai bebakno sokomor risidi eba chwngno Freedom risidi Bharat Haa kotor Bangaladishi illegal immigrants ni smine

 

Abo wngkha chini part 1, Part 2 go chwng salainai Tripura 1949 Marger Agreement ni jora Tripuri bwsok tong tai bangali bwsok tong tai tabok Tripura Bangaladishi rok phai tabokni population bwsok tai Bangaladishi rok phaima yagolo bahai bahai khe Tripura o. Bangali bai Tripuri rokni bising choba nanglaikha tai bangaladishi rokno chubagui indian forced rok bai Tripuri rok satok jakha aha kokrokno, Bharat mata ki Jai.

WHY ONLY JAGO BANGALI? WHY NOT TRIPURI?

JAGO BANGALI Bangali ni kokthai, thinang tai dopha no sokomorna nai tongkha hinui social media go Tripura ni Bangali rok kok salai mani. TTAADC ni KOKCHAP NOK bangala bai suijak tong mani ROMAN ENGLISH bai khe suimani no rwgui, tabok ni ADC TIPRA MOTHA bai songsajak Haapang wng mani yagolo. Tabok TTAADC ni Kokchap nok aige bangala kokborok bai suimani no tabok english kokborok bai suimani tamoni le ashok bokhorok mihimjakha ba Tripura hastayni bangali rok? Tripura hastay ni nenak tiprasa rok 99.9% Social media, What's app, Youtube, Facebook rogo english kokborok bai mang se kwrong lai o, 1% phano kaya tiprasa ni bising bangala bai kokborok suinai khainai, India Haa kotor ni raida Majority rule ni kok bo abono no sa o, Tripura ni TTAADC bising ni 100% tiprasa ni bising 99.9% se english kokborok hamjakgo hinkhe aha jaga 0.1% Bangala Kokborok suinai khainai mwngsa dam kwrui, tong phano se kwrui bai baksa, Aha jaga TTAADC ni kokchap Nok no 99.9% Tiprasa rokni mwkhang naisikgui english bokborok bai KOKCHAP NOK hinui suima ni tamo ADC o tongnai tiprasa rokni chaya kwlaikha ba? Social Media Facebook What's App rogo JAGO BANGALI JAGO Bangali ni kokthai, thinang tai dopha no sokomorna lama thang tongkha abotui hai kwbangma kok dal bidal kokno tui social media kok salaina nangkha ba? Tripura Haani TTAADC hapang bai khwlai kokborok rwng phurongnai tripura haa o tobok bo kwthang tongbai kho, borokno kok swngui no nai naidi, tabok kwbangma aha bising pention manbai kha, swngui naidi borokno nwng kokborok rwng phurongnai manmani bising rwng swrongnai rokno waibwsok kokborok kok ma phurong kha huiui, bo sanai waisa phanoya, Tripura hastay ni tiprasa rok 99.9% english kokborok hamjak go hai phano jobor dosty bangala bai kokborok suina bagui tripura hapang bai bo phan rijakgo abo tamoni bagui? Tiprasa rokni thinang sabo sokomor na nai? 

Abo wngkha illegal immigration bangaladishi roksi.

Tripura ha ni Tripuri rok belai khe no hambai ma ri o

tabok social media ni jora social media ni bisingtui tiprasa

bai tiprasa mwngsa ari kwrui khwlai social media ni bisingtui

kwronglai mankha. social media ni bisingtui tiprasa ni

thinang ne lama kaisa kotok choba ni samong tangkha social media tiprasa ni bagui. Ashok abotui hai khe tripura ni illegal immigration bangaladishi rok bai khaijak tong mani tiprasa rok aya thaisa phano hinya gui, bahai khe Tiprasa ni Council Bhawan no bangala bai suijak tongmani KOKCHOP NOK hinui abono tiprasa rok english bai KOKCHOP NOK hinui suimani no mokol bai kwtha jakliya ba tripura ni bangaladishi illegal immigration rok? bisi 2021 ni jora bo tiprasa rok illegal immigration bangaladishi rok bai mochom jak no tongkho tripura o, bangaladishi bai freedom tripura ni tiprasa rok wngui se manya kho 1949 no rwgui Tripura NRC khwlai bo manya kho, Tripura haa Tripuri rokni wng tui tui Tripura bidhan Soba 60 seat ni bising 20 seat se Tripuri rok bahai khe bangali rokni kokthai no tripura ni tiprasa rok sokomorna nai tongkha rok hinui kok rok tisagui mankha ba social media rogo, Oh kok samani bangali ni bangala no tini tiprasa rok hamjakya hinmani kokya hamjak go, phiya kok khe abo se nwng bangala hamjakma hai tripura ni tiprasa rok english kokborok no hamjak kukgo. ano nini ani mwngsa kwrui, paithak ni kok khe abo se nini bwsa ni mwng nwng tami ri tai ang ani bwsa ni mwng ang tamo ri abo bai no TRIPURA, INDIA eba WORLD ni bebak lokorok abo baino nini bwsa tai ani bwsa no bui sini nai, abono suda nwng nini ani hinkhe le abo belai hamya kok se kwlai o.

Tongsa laijak IPFI bai Tipra Motha ni Bwrui

Motha ni wngui Swapna Debbarma kok samani All Tripura ni IWFT bwkha baijak Central level, Block level, Divisional level committee rok hinui samani kok no rwgui phirokmwng rwkha IWFT ni AGS Jasudhya Rani Jamatia kwralsal 08 June 2021 o, IWFT ni AGS Bukhuk Jasudhya Rani Jamatia sakha bo bebak 31 Division ni lokorokbai kokduk ni bisingtui kwrong mani bebak thai o no kaham kwrwng tongo tai bwkha baijakya hinui IWFT ni AGS Jasudhya Rani Jamatia sakha, Phiya Bukhukjuk aha kokno swrai swrai khe sana rwngliya Bukhuk Gita Debbarma TTAADC Vote bachamani kokbai Bukhuk Gita Debbarma ni bagui IPFT bainai hinmani kokno, aha kokno khe saka saka smine mihim koksakha IWFT ni AGS Bukhuk Jasudhya Rani Jamatia.

Haa phopjakha tiprasa bwsa maknui ni bopha horo aha romna thang thani

Chasalo Aha rom na thangwi tai nogo Kiphir liya ambassa PS bai khujak dhansing roaja para ni khoroknwi bwsa ni bopha. Bisi Thamchichar eba (38) umor ni boni mwng Mahijoy Tripura.

Mahijoy Tripura

Tangsal ni sanjao gangangar PS ni bisingo khubjak kaisa lake samo ha khubjak kwlailaijak manlai kha bini mangkhwtwi. Amo ni yagulo bini mangkwtwi no recover khaiphaio Ganganagar PS ni police bai rohojakha kulai ni dhalai sakham nogo postmortem khaina bagui, abo hai kwrui chana mai kwrui ni jora bohok bokcha rang khoksa khoknui ni bagui tong kosong tongnai chanai haa phopjagui thuima bai belai no bwkha kosto nangui wanama bai chinta belai khe no kwlaijak kami tongnai tong kosong tongnai tiprasa lokorok

Silachari to Karbook road block online class bai Twi ni bagui

Tangsal 7 June 2021 go nokha talsa hai kami electric eba chwng pherang kwrui hinui Silachari to Karbook road block khailaikha 

Gomati Tripura ni Karbook Jolaya ni Moto Mog kami ni lokorok. Borok ni kok silsamwng nokha talsa hai kami chwng pherang kaham khe phaiya tai chwng pherang phai phano kami kaisa go no baisa chwng pherang full khe chwngo tai babisa se khe half khe chwng pherang chwngo ayang waisa ayang waisa wngma bai lockdown ni jora online class bo rwng swrong tongnai rok class khai manliya wngma bagui. aboni bagui no kami ni lokorok belai jungal o kwlaijak aboni bagui Tangsal o Silachari bai Karbook ni road block khai o hinui tong kosong tongui chanai lokorok sa o.