SWI WAK PUN TOK BAI BAKSA TIPRASA NI TONGMWNG

Tiprasa rok kwbangkuk no ADC Village o tongo, mwng ni meaning bai no swrai swrai sai mano tiprasa

rok tong mani thai ni bwmong no TTAADC  aboni bagui no ADC Village. Bisi kwbangma rwgui Tiprasa rok TTAADC manma yagolo phano aboni phan tai samong homong ni kok rokno sai man phano sai manya tamoni bagui hinkhe, Tripura Hapang je wngmani abono ADC Hapang go wngmani bagui. Aha kokno ayang narni phainai SWILA KOSOM rok swrai swrai sai mano, Tiprasa rokni kholmwng twimong tai dal bidal rokno romui narokna bagui no TTAADC. Phiya chini tiprasa rok Swi, Wak, Pun, Tok, bai baksa thai o sogui kha mwkhang smine se tiprasa tong se o, tongmong chamong koklam no khobui baithang ni kokbai bomong suda kwrui kha, Aw o kok bo soi no jesa samong phano chwng tangdi chwng rang mai nango ahaiya khe bahai khe chini Bihik Bwsa no kanui charui manai ba chwng? Ang kasa khe se dopha bo kasanai. Ahaiya deba? Phiya kokhe abo se nwng kebono khikorok, bokong, aba khunjo tui mai cha o hinui khwda khwnakha? Aw khwnaya kho, tabok nwng khikorok, bokong, aba khunjo tui mai chai da mono? Manya. Mai chwng bokhok baino chano nango kwtang tongna bagui. Phiya kwbangkuk tiprasa rok ang hinya. masa maknui ADC Village, kami brom brom tai BLOCK LEVEL rogo chini Tiprasa rok tongo. SWI, WAK, PUN, TOK, bai baksa Tiprasa wngui Tiprasa no warnai ayang narni SWILA KOSOM bai tongnai SWI tongo chini bising. Wathar jagui baithang bo thwi nwngjak o tai SWI bala Baithang bo tai koboni tiparasa no logi tui ayang narni SWILA KOSOM no tilang thwi khanui o. Atui hai borok no Mai bala chao phiya khikorok, bokong, aba khunjo tui mai chani borok kwlai o, Sak bai thang bo mwngsa machaya salsa bohok mai kwrui thwinai, tamoni bagui hinkhe bo tiprasa ni thwi se nwng tong mani bagui. Abo hai borok rok bai kokphano sayagui tai samong phano nangjakya gui chini tiprasa rok tongna nango, tamoni bagui hinkhe nwng chini koktun yaphang ni smine paithak jora nwng porijak hinkhe aboni answer nwng swrai swrai khe no sai mano.

HAMBAI TRIPURI DOPHA DATI NO YOKMA TER MANLANG SITHONG